ST Kodikara new

එස්. ටී. කොඩිකාර මහතා
ස්වදේශ කටයුතු අමාත්‍යාංශයේ ලේකම්

ග්‍රාමීය, ප්‍රාදේශීය හා දිස්ත්‍රික් පරිපාලන යාන්ත්‍රනය ශක්තිමත් කිරීම වත්මන් රජයේ ප්‍රමුඛතම අවශ්‍යතාවයකි. සියලුම රේඛීය අමාත්‍යාංශ විසින් සම්පාදනය කරනු ලබන ප්‍රතිපත්තීන් ක්‍රියාත්මක කිරීමේදී විශේෂයෙන්ම දිස්ත්‍රික් ලේකම් කාර්යාල හා ප්‍රාදේශීය ලේකම් කාර්යාල සමඟ සෘජු සන්නිවේදන සම්බන්ධතාවයක් පවත්වා ගැනීම මේ නිසා අත්‍යාවශ්‍ය වේ. දිස්ත්‍රික් ලේකම් කාර්යාල 25ක්, ප්‍රාදේශීය ලේකම් කාර්යාල 332ක් හා රෙජිස්ට්‍රාර් දෙපාර්තමේන්තුවේ කාර්යාල 348ක් සමඟ සමීප සම්බන්ධතාවයක් තහවුරු කිරීම කාර්යක්ෂම හා ඵලදායී සේවා සැපයීමේ ක්‍රියාවලියේ දී අතිශයින්ම වැදගත් වේ.

ශ්‍රී ලංකාවේ වත්මන් තාක්ෂණික නව්‍යකරණයත්, තොරතුරු තාක්ෂණ සාක්ෂරතාවයේ සීග්‍ර වර්ධනයත් හමුවේ ස්වදේශ කටයුතු අමාත්‍යාංශයේ ඉහත සඳහන් කාර්යාල පද්ධති ද අන්තර්ජාල අඩවි තාක්ෂණය තුළින් සේවාලාභීන්ට කඩිනමින් සේවාවක් ලබා දීමට අවශ්‍ය පියවර ගෙන ඇත. වඩාත් ආකර්ශනීය හා නිවැරදි තොරතුරුවලින් සමන්විත අන්තර්ජාල අඩවියක් හඳුන්වාදීමට හා පවත්වාගෙන යාමට මාගේ කාර්ය මණ්ඩලය දක්වන කැපවීම හා දායකත්වය අගය කරමි.

FaLang translation system by Faboba