කාර්යක්ෂම රාජ්‍ය සේවයක් තුළින් ජනතාවට වඩාත් ඵලදායී සේවාවක් ලබාදීමේ අරමුණින් යුතුව අභ්‍යන්තර හා ස්වදේශ කටයුතු සහ පළාත් සභා හා පළාත් පාලන අමාත්‍ය ගරු වජිර අබේවර්ධන මැතිතුමාගේ සුවිශේෂ මැදිහත්වීම මත, රුපියල් මිලියන 5,583ක වියදමකින් නාරහේන්පිට, ඇල්විටිගල මාවතේදී ඉදිකරන ලද “නිල මැදුර” ස්වදේශ කටයුතු අමාත්‍යාංශ සංකීර්ණය අග්‍රාමාත්‍ය ගරු රනිල් වික්‍රමසිංහ මැතිතුමාගේ සුරතින් 2019 ජුලි මස 25 වන බ්‍රහස්පතින්දා ජනතා අයිතියට පත් කෙරුණි.

දිවයින පුරා ක්‍රියාත්මක ව්‍යාපෘති 2,000ක් ජනගත කිරීමේ ජාතික වැඩසටහනට සමගාමීව මෙම ස්වදේශ කටයුතු අමාත්‍යාංශ සංකීර්ණය ජනතා අයිතියට පත් කිරීම සිදු විය.

එවකට මහල් 05ක් ලෙස පැවති කොළඹ දිස්ත්‍රික් ලේකම් කාර්යාල සංකීර්ණය, ස්වදේශ කටයුතු අමාත්‍යාංශ සංකීර්ණය ලෙස මහල් 20ක කාර්යාල සංකීර්ණයක් ලෙස පුළුල් කිරීමේ වැඩකටයුතු ජනාධිපති අතිගරු මෙමත්‍රීපාල සිරිසේන මැතිතුමාගේ සහ අග්‍රාමාත්‍ය ගරු රනිල් වික්‍රමසිංහ මැතිතුමාගේ විශේෂ යෝජනාවක් අනුව 2016 ජනවාරි 08 වන දින අමාත්‍ය වජිර අබේවර්ධන මහතාගේ ප්‍රධානත්වයෙන් ඇරඹුණි. 2022 වසරේ අවසන් භාගයේදී වැඩ අවසන් කිරීමට තිබූ මෙම ව්‍යාපෘතිය අමාත්‍ය ගරු වජිර අබේවර්ධන මැතිතුමාගේ සුවිශේෂ මැදිහත්වීමේ ප්‍රතිඵලයක් ලෙස මේ වන විට වැඩ නිමකිරීමට හැකි වුණි.

මෙම ව්‍යාපෘතිය නවීන තාක්ෂණයෙන් යුත් ගොඩනැගිලි කළමනාකරණ පද්ධතියක් අනුව නිමවා ඇත.

මෙම ගොඩනැගිල්ලෙහි ස්වදේශ කටයුතු අමාත්‍යාංශයේ සියලුම අංශ, කොළඹ දිස්ත්‍රික් ලේකම් කාර්යාලය, තිඹිරිගස්යාය ප්‍රාදේශීය ලේකම් කාර්යාලය, කොළඹ දිස්ත්‍රික් මැතිවරණ කාර්යාලය, ආසන 100ක් සහ 200ක් සහිත ශ්‍රවණාගාර 2ක්, වාහන 100ක් නවතා තැබීමේ පහසුකම්, තිඹිරිගස්යාය උපතැපැල් කාර්යාලය, ලංකා බැංකු ශාඛාවක්, බැංකු ටෙලර් යන්ත්‍ර, ආබාධිත පුද්ගලයින්ගේ පහසුව සහිත විදුලි සෝපාන 5ක්, ආපන ශාලාවක් සහ කුඩා සුපිරි වෙළඳසැලක් සමන්විතය. සූර්ය පැනල පද්ධතියක්ද මෙහි ස්ථාපිත කර ඇත.

01 02

03 04

05 06

07 08

09 10

11 12

13 14

15 16

17 18

19 20

21 22

ග්‍රී ලාංකීය ජනතාව ස්වාභාවික ආපදාවලින් ආරක්ෂා කර ගැනීමේ උදාරතර පරමාර්ථය පෙරදැරිව සහ රාජ්‍ය සේවය වඩාත් කාර්යක්ෂම හා විධිමත් කිරීමේ රාජ්‍ය ප්‍රතිපත්තිය සහ ප්‍රදේශීය ලේකම් කාර්යාල නවීකරණය කිරීමේ වැඩසටහන යටතේ ගාල්ල දිස්ත්‍රික්කයේ තවලම ප්‍රදේශීය ලේකම් කොට්ඨාසයේ ඉදිකරන ලද නව ගොඩනැගිලි තුනක් ජනතා අයිතියට පත්කිරීම අග්‍රාමාත්‍ය ගරු රනිල් වික්‍රමසිංහ මැතිතුමාගේ ප්‍රධානත්වයෙන් 2019 ජුනි මස 21 වන සිකුරාදා සිදු කෙරුණි.

අභ්‍යන්තර හා ස්වදේශ කටයුතු සහ පළාත් සභා හා පළාත් පාලන අමාත්‍ය ගරු වජිර අබේවර්ධන මැතිතුමාගේ මෙහෙයවීමෙන් ඉදිකළ තවලම ප්‍රාදේශීය ලේකම් කාර්යාල නව ගොඩනැගිල්ල සහ එහි නිල නිවස ජනතා අයිතියට පත් කිරීමද තවලම ශ්‍රී ශාසනෝධයාරාම පුරාණ විහාර භූමියේ ඉදිකළ සුරක්ෂා මධ්‍යස්ථානය සඟසතුකොට පුජා කිරීමද එදින සිදු විය.

තවලම ප්‍රාදේශීය ලේකම් කාර්යාල තෙමහල් ගොඩනැගිල්ල රුපියල් ලක්ෂ 595ක වියදමින් ඉදිකර ඇති අතර 2017 පෙබරවාරි මස 06 දින මුල්ගල තබා ඉදිකිරීම් කටයුතු ආරම්භ කර ඇත.

රුපියල් ලක්ෂ 46ක වියදමින් ඉදිකළ තවලම ප්‍රාදේශීය ලේකම් කාර්යාලයේ නිල නිවස සඳහා මුල්ගල තබා ඉදිකිරීම් කටයුතු ආරම්භ කළේ 2016 සැප්තැම්බර් 23 වැනි දිනය.

ආසියානු සංවර්ධන බැංකු මූල්‍ය ප්‍රතිපාදන මත ඉදිකරන ලද තවලම ශ්‍රී ශාසනෝධයාරාම පුරාණ විහාර සුරක්ෂිත මධ්‍යස්ථාන ගොඩනැගිල්ල සඳහා වැය කර ඇති මුදල රුපියල් ලක්ෂ 57කි.

මෙම ගොඩනැගිලි මුල්ගල් තබා වැඩ ආරම්භ කර ඉතා කෙටි කාලයකින් වැඩ අවසන් කිරීමට හැකිවූ බව අභ්‍යන්තර හා ස්වදේශ කටයුතු සහ පළාත් සභා හා පළාත් පාලන අමාත්‍ය වජිර අබේවර්ධන මහතා පවසයි.

තවලම ප්‍රාදේශීය ලේකම් කාර්යාල නව ගොඩනැගිල්ලෙහි විශේෂත්වය වන්නේ වාහන නැවැත්වීමේ පහසුකම්වලින් ද සමන්විතව ඉදිකර තිබීමය. එමෙන්ම අංගසම්පූර්ණ ශ්‍රවණාගාරයක් ද මෙම ගොඩනැගිලිවල ඉදිකර ඇති අතර ගොඩනැගිලි සහ එහි කාර්ය මණ්ඩලය සඳහා අවශ්‍ය සියලු උපකරණ ද අභ්‍යන්තර හා ස්වදේශ කටයුතු සහ පළාත් සභා හා පළාත් පාලන අමාත්‍යාංශය මගින් ලබාදෙයි.


මෙම අවස්ථාවන් සඳහා ඉඩම් සහ පාර්ලිමේන්තු ප්‍රතිසංස්කරණ අමාත්‍ය ගරු ගයන්ත කරුණාතිලක මැතිතුමා, අභ්‍යන්තර හා ස්වදේශ කටයුතු සහ පළාත් සභා හා පළාත් පාලන රාජ්‍ය අමාත්‍ය ගරු ජේ.සී. අලවතුවල මැතිතුමා, ගාල්ල දිස්ත්‍රික් පාර්ලිමේන්තු හා හිටපු පළාත් සභා මැතිඇමැතිවරු ඇතුළු නගරාධිපතිවරු, සභාපතිවරු, විපක්ෂ නායකවරු සහ මන්ත්‍රීවරු සහභාගි වූහ.

 

thawalama01 thawalama02

thawalamae01 thawalama2

thawalama01 thawalama02

thawalama01 thawalama02

මාතලේ දිස්ත්‍රික්කයේ කළමනාකරණ සංවර්ධන හා පුහුණු ඒකකය විවෘත කිරීම අභයන්තර හා ස්වදේශ කටයුතු සහ පළාත් සභා හා පළාත් පාලන අමාත්‍ය ගරු වජිර අබේවර්ධන මැතිතුමා සහ රාජ්‍ය අමාත්‍ය ‌ජේ.සී.අලවතුවල මැතිතුමාගේ සහභාගීත්වයෙන් සිදුකෙරිණි.

 

matale01 matale02

matale03 matale04

matale05 matale06

matale07 matale08

අභ්‍යන්තර හා ස්වදේශ කටයුතු සහ පළාත් සභා හා පළාත් පාලන අමාත්‍යාංශය ජපානයේ කවුෂිමා ආයතනය සමග එක්ව දඹුල්ල ප්‍රදේශයේ ඝන අපද්‍රව්‍ය භාවිතයේන ‌කොම්පෝස්ට් ‌‌පොහොර නිපදවීම සඳහා ඉදිකරන ලද දිගම්පතන ඝන අපද්‍රව්‍ය කළමනාකරණ ඒකකය විවෘත කිරීම අභ්‍යන්තර හා ස්වදේශ කටයුතු සහ පළාත් සභා හා පළාත් පාලන අමාත්‍ය ගරු වජිර අබේවර්ධන මැතිතුමාගේ ප්‍රධානත්වයෙන් සිදුකෙරිණි. ‌මෙම අවස්ථාව සඳහා රාජ්‍ය අමාත්‍ය ‌ජේ.සී.අලවතුවල මැතිතුමා ද සහභාගී වී සිටියේය. 

ව්‍යාපෘතිය සඳහා වැයකළ මුදල රුපියල් ලක්ෂ 2100 කි

 

matale01 matale02

matale01 matale02

matale01 matale02

matale01 matale02

අභ්‍යන්තර හා ස්වදේශ කටයුතු සහ පළාත් සභා හා පළාත් පාලන අමාත්‍ය ගරු වජිර අබේවර්ධන මැතිතුමාගේ මැදිහත්වීම මත, අභ්‍යන්තර හා ස්වදේශ කටයුතු සහ පළාත් සභා හා පළාත් පාලන අමාත්‍යාංශය සංවිධානය කරන රාජ්‍ය සේවය ගමට දිස්ත්‍රික් සහන සේවා වැඩසටහනෙහි සමාරම්භක උත්සවයඅග්‍රාමාත්‍ය ගරු රනිල් වික්‍රමසිංහ මැතිතුමාගේ ප්‍රධානත්වයෙන් 2019 ජුනි මස 01 වන සෙනසුරාදා මාතලේ ශ්‍රී සංඝමිත්තා ජාතික පාසලේදී පැවැත්වුණි.
අග්‍රාමාත්‍ය ගරු රනිල් වික්‍රමසිංහ මැතිතුමාගේ උපදෙස් පරිදි ජනතාවට සහන සැලසෙන වැඩසටහන් ඇතුළත් “රාජ්‍ය සේවය ගමට ගෙන යන ජනතා සේවා වැඩසටහන” සියලු අමාත්‍යාංශ, දෙපාර්තමේන්තු, රාජ්‍ය සංස්ථා සහ බැංකු ආදි ආයතනයන්ගේ සහභාගිත්වයෙන් මාතලේ දිස්ත්‍රික්කය කේන්ද්‍ර කර ගනිමින් ජුනි මස ‍01 දින සිට ජුලි මස 08 වන දින දක්වා දිස්ත්‍රක්කයේ සියලු ප්‍රාදේශීය ලේකම් කොට්ඨාසවල පැවැත්වීමට කටයුතු සංවිධානය කර ඇත.
ඒ අනුව මාතලේ ශ්‍රී සංඝමිත්තා ජාතික පාසල ජුනි 01, යටවත්ත වීර පරාක්‍රම මහා විද්‍යාලය ජුනි 02, රත්තොට කයිකාවල මධ්‍ය මහා විද්‍යාලය ජුනි 08, උකුවෙල අජ්මීර් මහා විද්‍යාලය ජුනි 09, නාවුල ශ්‍රී නාග මහා විද්‍යාලය ජුනි 22, ලග්ගල මධ්‍ය මහා විද්‍යාලය ජුනි 23, විල්ගමුව නාමිණිඔය මධ්‍ය මහා විද්‍යාලය ජුනි 29, අඹන්ගඟකෝරලේ මැටිහක්ක මහා විද්‍යාලය ජුනි 30, පල්ලේපොල මහා බෝධිය මහා විද්‍යාලය ජුලි 06, දඹුල්ල වීර මොහාන් මහා විද්‍යාලය(ගම්උදාව) ජුලි 07, ගලේවෙල මධ්‍ය මහා විද්‍යාලය ජුලි 08 යන දිනවලදී මෙම ජනතා සේවා වැඩසටහන් ප්‍රාදේශීය ලේකම් කොට්ඨාස මට්ටමින් පැවැත්වේ.

ස්වදේශ කටයුතු අමාත්‍යාංශය මෙයට පෙර සංවිධානය කළ නිල මෙහෙවර ජනපති ජනතා සේවයෙහි දිගුවක් ලෙස මෙම දිස්ත්‍රික් සහන සේවය සංවිධානය කරන අතර මේ තුළින් ජනතාවට වඩාත් ප්‍රතිලාභ සහ රාජ්‍ය සේවයේ කටයුතු කඩිනමින් ලබාදීමට අපේක්ෂිතය.

මෙම සහන සේවය මගින් ජනතාවට උප්පැන්න සහතික සහ ජාතික හැඳුනුම්පත් ලබාදීම, නොමිලේ පවත්වන වෛද්‍ය සහ අක්ෂි සායන සේවාවන්, සමෘද්ධි දීමනා, වැඩිහිටි දීමනා, විශ්‍රාම වැටුප් දීමනා සහ රජය මගින් ලබාදෙන අනෙකුත් දීමනා සම්බන්ධ ගැටලු නිරාකරණය, ඉඩම් හිමිකම් ගැටලු, බලපත්‍ර ගැටලු විසඳීම සහ ඉඩම් ඔප්පු ලබාදීම, ගොවි, කම්කරු ගැටලු සඳහා විසඳුම් සහ ස්වයං රැකියා අවස්ථා හඳුන්වාදීම ඇතුළු ජනතා හිතවාදී වැඩසටහන් රැසක් ක්‍රියාත්මක වේ.

matale01 matale02

matale03 matale04

matale05 matale06

matale07 matale08

matale9 matale10

matale11 matale12

matale13 matale14

matale15 matale16

FaLang translation system by Faboba