ස්වදේශ කටයුතු අමාත්‍යාංශයේ මූල්‍ය ප්‍රතිපාදන මත පොළොන්නරුව දිස්ත්‍රික්කයේ මැදිරිගිරිය සහ ලංකාපුර ප්‍රාදේශීය ලේකම් කොට්ඨාසවල ඉදිකළ නිල සෙවණ කාර්යාල 07 ක් ස්වදේශ කටයුතු අමාත්‍ය වජිර අබේවර්ධන මහතාගේ සුරතින් පසුගිය දින ජනතා අයිතියට පත්කිරීම සිදු විය. ස්වදේශ කටයුතු අමාත්‍ය වජිර අබේවර්ධන මහතාගේ සංකල්පයක් අනුව ජනාධිපති මෛත්‍රීපාල සිරිසේන මහතාගේ සහ අග්‍රාමාත්‍ය රනිල් වික්‍රමසිංහ මහතාගේ මගපෙන්වීමෙන් ක්‍රියාත්මක කරනු ලබන ''නිල සෙවණ" කාර්යාල ඉදිකිරීමේ ව්‍යාපෘතියේ දී රුපියල් ලක්ෂ 20ක වියදමින් මෙවැනි එක් කාර්යාලයක් ඉදිකරනු ලබයි. හිඟුරක්දමන, වැලිඇල, දියසෙන්පුර, එකමුතුගම, නෙළුම් පොකුණ, විහාරගම, තිස්සපුර මෙසේ ජනතා අයිතියට පත් කළ නිල සෙවණ කාර්යාල වෙයි.

ගමක සිටින ග්‍රාම නිලධාරී, සමෘද්ධි සංවර්ධන නිලධාරී, ආර්ථික සංවර්ධන නිලධාරී සහ කෘෂිකර්ම පර්යේෂණ හා නිෂ්පාදන සහකාර යන ක්ෂේත්‍ර නිලධාරීන් සිව්දෙනාට එකම ස්ථානයක සිට සිය රාජකාරී කටයුතු කරගෙන යාම සඳහා මෙම ''නිල සෙවණ" කාර්යාල ඉදිකරනු ලබයි. මෙයට සමගාමීව රුපියල් ලක්ෂ 14,670 ක වියදමකින් යුතුව ඉදිකරන පොළොන්නරුව දිස්ත්‍රික් නව පරිපාලන සංකීර්ණයේ ඉදිකිරීම් කටයුතු නිරීක්ෂණය කිරීම සඳහා අමාත්‍ය වජිර අබේවර්ධන මහතා එදින සහභාගි විය.
ජනාධිපති මෛත්‍රීපාල සිරිසේන මහතාගේ උපදෙස් මත අග්‍රාමාත්‍ය රනිල් වික්‍රමසිංහ මහතාගේ මගපෙන්විමෙන් මෙම සංවර්ධන ව්‍යාපෘති ක්‍රියාත්මක කෙරේ.
නව පරිපාලන සංකීර්ණයේ ඉදිකිරීම් කටයුතු කඩිනම් කරන ලෙස අමාත්‍යවරයා මෙහිදී නිලධාරීන්ට උපදෙස් ලබාදුන් අතර මෙහි ඉදිකිරීම් කටයුතු ලබන වසර වන විට නිම කිරීමට අපේක්ෂිතය. පොළොන්නරුව නගරයේ පිහිටි පරිපාලන ආයතන 22 ක් එකම ස්ථානයකට ගෙන ඒමේ අරමුණින් මෙම ගොඩනැගිල්ල ඉදිවෙයි.
මෙම අවස්ථාවන් සඳහා පොළොන්නරුව දිස්ත්‍රික් පාර්ලිමේන්තු මන්ත්‍රීවරුන් වන සිඩ්නි ජයරත්න, නාලක කොළොන්න, ස්වදේශ කටයුතු අමාත්‍යාංශ ලේකම් එස්. ටී. කොඩිකාර යන මහත්වරු ඇතුළු රාජ්‍ය නිලධාරිහු පිරිසක් ද එක් වුහ.

 

Polonnaruwa-01  Polonnaruwa-02

Polonnaruwa-03  Polonnaruwa-04

ස්වදේශ කටයුතු අමාත්‍යාංශයේ ප්‍රතිපාදන මත, ස්වදේශ කටයුතු අමාත්‍ය ගරු වජිර අබේවර්ධන මැතිතුමාගේ යෝජනාවකට අනුව ඉදිකරන ලද වැලිවිටිය - දිවිතුර ප්‍රාදේශීය ලේකම් කාර්යාලීය නව තෙමහල් ගොඩනැගිල්ල ජනතා අයිතියට පත් කිරීම අග්‍රාමාත්‍ය ගරු රනිල් වික්‍රමසිංහ මැතිතුමාගේ සුරතින් 2018 ජුනි මස 24 වන ඉරිදා සිදු කෙරිණි.
මේ සඳහා වැය කළ මුදල රුපියල් ලක්ෂ 400 ක් වන අතර මෙහි මුල්ගල් තබා වැඩ ආරම්භ කර ඇත්තේ ද 2016 ඔක්තෝබර් මස 08 වැනි දිනදීය.
මෙම ගොඩනැගිල්ලට මුල්ගල් තබා වැඩ ආරම්භ කර ඉතා කෙටි කාලයකින් වැඩ අවසන් කිරීමට හැකිවූ බව ස්වදේශ කටයුතු අමාත්‍ය ගරු වජිර අබේවර්ධන මැතිතුමා පවසයි.
වාහන නැවැත්වීමේ පහසුකම්වලින් සහ අංගසම්පූර්ණ ශ්‍රවණාගාරයක් ද මෙම ගොඩනැගිල්ල සතු වෙයි. ගොඩනැගිල්ල සහ එහි කාර්ය මණ්ඩලය සඳහා අවශ්‍ය සියලු භෞතික සම්පත් ද ස්වදේශ කටයුතු අමාත්‍යාංශය මගින් ලබා දී තිබේ.
මෙයට සමගාමීව 2017 වර්ෂයේ මැයි මස ඇතිවු ගංවතුර හේතුවෙන් වැලිවිටිය දිවතුර, නියාගම, කරන්දෙනිය සහ ඇල්පිටිය යන ප්‍රාදේශීය ලේකම් කොට්ඨාසවල ආපදාවට පත් වුවන්ට චෙක්පත් ආධාර ප්‍රදානය එදින සිදු විය.

 

Welivitiya-Divithura-08  Welivitiya-Divithura-054

Welivitiya-Divithura-07  Welivitiya-Divithura-06

Welivitiya-Divithura-04  Welivitiya-Divithura-03

Welivitiya-Divithura-02  Welivitiya-Divithura-01

මාතලේ දිස්ත්‍රික්කයේ ගලේවෙල ප්‍රාදේශීය ලේකම් කාර්යාලය සඳහා අභිනවයෙන් ඉදිකරන ලද තෙමහල් ගොඩනැගිල්ල 2018/06/09 දින ගරු අග්‍රාමාත්‍ය රනිල් වික්‍රමසිංහ මහතාගේ සුරතින් ජනතා අයිතියට පත් කෙරිණි. මෙම ගොඩනැගිල්ලල සඳහා ස්වදේශ කටයුතු අමාත්‍යාංශය රුපියල් ලක්ෂ 940ක මුදලක් වැයකර ඇත. මෙම අවස්ථාව සඳහා ස්වදේශ කටයුතු අමාත්‍ය ගරු වජිර අබේවර්ධන මැතිතුමා, ස්වදේශ කටයුතු නියෝජ්‍ය අමාත්‍ය ජේ.සී.අලවතුවල මැතිතුමා, කෘෂිකර්ම රාජ්‍ය අමාත්‍ය ලසන්ත අලුවිහාරේ මැතිතුමා ඇතළු මැති ඇමැතිවරු විශාල පිරිසක් සහභාගී වී සිටියහ.

මෙහි දී ක්ෂේත්‍ර නිලධාරීන් සඳහා කාර්යාලයීය ගමන් මලු ප්‍රදානය කිරීම, ඉඩම් හිමිකම් ඔප්පු ලබාදීම, ස්වයං රැකියා අධාර ලබාදීම, රෙජිස්ටාර්වරුන්ට ලැප්ටොප් පරිගණක ලබාදීම, අඩු ආදායම් ලාභී පවුල්වල දරුවන් වෙනුවෙන් ශිෂ්‍යත්ව ප්‍රදානය හා ග්‍රාම නිලධාරීවරුන් වෙනුවෙන් විශිෂ්ඨතා සම්මාන ලබාදීම ද අගමැතිතුමාගේ සුරතින්සිදුකෙරිණි.

 

  galewela ds opening 02  

    

    

    

කුරුණෑගල දිස්ත්‍රික්කයේ ඉබ්බාගමුව ප්‍රාදේශීය ලේකම් කාර්යාලයේ ඉදිකරන ලද නව තෙමහල් ගොඩනැගිල්ල ජනතා අයිතියට පත් කිරීම ස්වදේශ කටයුතු අමාත්‍ය ගරු වජිර අබේවර්ධන මැතිතුමාගේ සුරතින් සිදුකෙරිණි.

ජනාධිපති අතිගරු මෛත්‍රීපාල සිරිසේන මැතිතුමාගේ හා අග්‍රාමාත්‍ය ගරු රනිල් වික්‍රමසිංහ මැතිතුමාගේ උපදෙස් හා මඟපෙන්වීම අනුව රුපියල් ලක්ෂ 465ක වියදමින් ස්වදේශ කටයුතු අමාත්‍යාංශය මගින් මේ ගොඩනැගිල්ල ඉදිකරන ලදී. මෙම අවස්ථාව සඳහා වයඹ සංවර්ධන හා සංස්කෘතික කටයුතු අමාත්‍ය ගරු එස්.බී.නාවින්න මැතිතුමා සහ ස්වදේශ කටයුතු නියෝජ්‍ය අමාත්‍ය ගරු ජේ.සී.අලවතුවල මැතිතුමා ඇතුළු මැති ඇමැතිවරු විශාල පිරිසක් සහභාගී වී සිටියහ.

Ibbagamuwa-01  Ibbagamuwa-04

  

ග්‍රාම නිලධාරිවරුන් 1650 දෙනෙකු සඳහා පත්විම් ලිපි ප්‍රදානය කිරීම ජුනි මස 01 වැනි දින අරලියගහ මන්දිරයේදී පැවැත්විණි. ගරු අග්‍රාමාත්‍ය රනිල් වික්‍රමසිංහ මහතාගේ ප්‍රධානත්වයෙන් පැවති මෙම පත්වීම් ලිපි ප්‍රදානෝත්සවයට ගරු ස්වදේශ කටයුතු අමාත්‍ය වජිර අබේවර්ධන මහතා, ස්වදේශ කටයුතු නියෝජ්‍ය අමාත්‍ය ජේ.සී. අලවතුවල මහතා හා ස්වදේශ කටයුතු ලේකම් එස්.ටී. කොඩිකාර මැතිතුමා ඇතුළු රාජ්‍ය නිලධාරීන් බොහෝ පිරිසක් සහභාගී වී සිටියහ.

 

 

 

 

 

gn appointment 05  gn appointment 04

gn appointment 11  

  gn appointment 06

  

  

  

FaLang translation system by Faboba