06අභ්‍යන්තර හා ස්වදේශ කටයුතු සහ පළාත් සභා පළාත් පාලන අමාත්‍යාංශයේ 2019 වන වසරේ රාජකාරි ආරම්භය අභ්‍යන්තර හා ස්වදේශ කටයුතු සහ පළාත් සභා පළාත් පාලන අමාත්‍යාංශයේ ගරු අමාත්‍ය වජිර අබේවර්ධන මැතිතුමාගේ සහ රාජ්‍ය පරිපාලන හා ආපදා කළමණාකරණ අමාත්‍ය ගරු රංජිත් මද්දුමබණ්ඩාර මැතිතුමාගේ ප්‍රධානත්වයෙන් 2019.01.01 දින අමාත්‍යාංශ පරිශ්‍රෙය්දී පැවැත්විණි.

මෙම අවස්ථාව සඳහා අභ්‍යන්තර හා ස්වදේශ කටයුතු සහ පළාත් සභා පළාත් පාලන අමාත්‍යාංශයේ ලේකම් කමල් පද්මසිරි මැතිතුමන් සහ රාජ්‍ය පරිපාලන හා ආපදා කළමණාකරණ අමාත්‍යාංශයේ ලේකම් ජේ.ජේ. රත්නසිරි මැතිතුමන් ඇතුළු අභ්‍යන්තර හා ස්වදේශ කටයුතු සහ පළාත් සභා පළාත් පාලන අමාත්‍යාංශයේ සියලුම කාර්ය මණ්ඩලය හා රාජ්‍ය පරිපාලන හා ආපදා කළමණාකරණ අමාත්‍යාංශයේ සියලුම නිලධාරීන් සහභාගී වී සිටියහ.

පළමුව ගරු පූජක උතුමන් විසින් සර්ව ආගමික වතාවත් සිදු කළ අතර, අනතුරුව ජාතික ධජය ඔසවා ජාතික ගීය ගායනා කිරීමෙන් කටයුතු ආරම්භ කෙරෙුණු අතර, ගරු අමාත්‍යවරුන්, ලේකම්වරුන් ඇතුළු සමස්ත කාර්ය මණ්ඩලය එක්ව රාජ්‍ය සේව ප්‍රතිඥාව සාමූහිකව ප්‍රකාශ කිරීමෙන් 2019 වසරේ රාජකාරි නිල වශයෙන් ආරම්භ විය.

 

01 02

03 04

05 07

08 09

10 11

12

 

නව අමාත්‍ය මණ්ඩලය අභ්‍යන්තර  හා ස්වදේශ කටයතු සහ පළාත් සභා පළාත් පාලන අමාත්‍යාංශයේ කටයුතු නිල වශයෙන් සුබ මොහොතින් වැඩ ඇරඹු අවස්ථාව. මෙම අවස්ථාව සඳහා අභ්‍යන්තර  හා ස්වදේශ කටයතු සහ පළාත් සභා පළාත් පාලන අමාත්‍යාංශයේ ගරු අමාත්‍ය වජිර අබේවර්ධන මැතිතුමා, රාජ්‍ය අමාත්‍ය ජේ.සී. අලවතුවල මැතිතුමා, නාමල් අබේවර්ධන මැතිණිය, අජානි අලවතුවල මැතිණිය, අමාත්‍ය පී. හැරිසන් මැතිතුමා ඇතුළු බොහෝ පිරිසක් සහභාගී වී සිටියහ.

01 

03 04

05 06

07 08

09 10

11 12

රාජ්‍ය සේවය වඩාත් කාර්යක්ෂම හා විධිමත් කිරීමේ රාජ්‍ය ප්‍රතිපත්තියට අනුව ජනාධිපති අතිගරු මෛත්‍රීපාල සිරිසේන මැතිතුමාගේ සහ ගරු අග්‍රාමාත්‍ය ගරු රනිල් වික්‍රමසිංහ මැතිතුමාගේ උපදෙස් මත ස්වදේශ කටයුතු අමාත්‍ය ගරු වජිර අබේවර්ධන මැතිතුමාගේ මෙහෙයවීමෙන් හම්බන්තොට දිස්ත්‍රික්කයේ අම්බලන්තොට ප්‍රාදේශීය ලේකම් කාර්යාලයේ ඉදිකරන ලද නව තෙමහල් ගොඩනැගිල්ල 2018 සැප්තැම්බර් මස 10 වැනි දින ජනාධිපති අතිගරු මෛත්‍රීපාල සිරිසේන මැතිතුමාගේ සුරතින් විවෘත කෙරිණි.

මෙම ගොඩනැගිල්ල ස්වදේශ කටයුතු අමාත්‍යාංශයේ මූල්‍ය ප්‍රතිපාදන රුපියල් ලක්ෂ 1100ක් වියදම් කර ඉදිකරන ලදී.

 

ambalantota-ds-opening-01 ambalantota-ds-opening-02

ambalantota-ds-opening-03 ambalantota-ds-opening-04

ශ්‍රී ලංකා ප්‍රජාතාන්ත්‍රික සමාජවාදී ජනරජයේ ජනාධිපති අතිගරු මෛත්‍රීපාල සිරිසේන මැතිතුමාගේ සහ අග්‍රාමාත්‍ය ගරු රනිල් වික්‍රමසිංහ මැතිතුමාගේ උපදෙස් හා මගපෙන්වීමෙන් ස්වදේශ කටයුතු අමාත්‍ය ගරු වජිර අබේවර්ධන මැතිතුමාගේ ස්වදේශ කටයුතු රාජ්‍ය අමාත්‍ය ගරු ජේ.සී.අලවතුවල මැතිතුමාගේ මෙහෙයවීමෙන් රුපියල් ලක්ෂ 500ක වියදමින් ඉදිකරන ලද මහර ප්‍රාදේශීය ලේකම් කාර්යාලයීය නව තෙමහල් ගොඩනැගිල්ල අද ජනාධිපති අතිගරු මෛත්‍රීපාල සිරිසේන මැතිතුමාගේ සුරතින් ජනතා අයිතියට පත්කරන ලදී.

නීතියෙන් විවාහ නොවී එකට පවුල් කෑ යාපනයේ පවුල් 41ක් රජයේ වියදමින් විවාහ දිවියට ඇතුළත් වීම ස්වදේශ කටයුතු රාජ්‍ය අමාත්‍යාංශයේ ලේකම් එන්. ගොඩකන්ද මහත්මියගේ ප්‍රධානත්වයෙන් සිදු විය. ඒ් අනුව 2018 අගෝස්තු මස 24, 25, 26 සහ 27 දිනවල ස්වදේශ කටයතු අමාත්‍යාංශයේ ''නිල මෙහෙවර" ජනපති ජනතා සේවය ප්‍රාදේශීය වැඩසටහන් හතරක දී විවාහ කරදුන් අවිවාහකව සිටි අඹුසැමි යුවළ සංඛ්‍යාව 79කි.

මොවුන් විවාහ කර දී ඇත්තේ ජනාධිපති අතිගරු මෛත්‍රීපාල සිරිසේන මැතිතුමාගේ උපදෙස්පරිදි, අග්‍රාමාත්‍ය ගරු රනිල් වික්‍රමසිංහ මැතිතුමාගේ මගපෙන්වීමෙන් ස්වදේශ කටයුතු අමාත්‍ය ගරු වජිර අබේවර්ධන මැතිතුමා සහ ස්වදේශ කටයුතු රාජ්‍ය අමාත්‍ය ගරු ජේ.සී.අලවතුවල මැතිතුමාගේ මෙහෙයවීමෙන් ක්‍රියාත්මක කර ඇති නිල මෙහවෙර ජනපති ජනතා සේවය ප්‍රාදේශීය වැඩසටහන් හතරක් අතරතුර දී ය.

ඒ අනුව සිකුරාදා (24) පැවැති සන්දිලිප්පායි ප්‍රාදේශීය නිල මෙහෙවර වැඩසටහන අතරතුර අවිවාහක පවුල් තුනක් නීත්‍යානුකූලව විවාහ කළ අතර සෙනසුරාදා (25) උඩුවිල් ප්‍රාදේශීය නිල මෙහෙවර වැඩසටහන අතරතුර අවිවාහක පවුල් අටක් ද ඉරිදා (26) කරවෙට්ටි ප්‍රාදේශීය නිල මෙහෙවර වැඩසටහන අතරතුර පවුල් 27ක් ද සඳුදා (27) මරුතන්කේනි ප්‍රාදේශීය ලේකම් කාර්යාලයේ පැවැති නිල මෙහවර ප්‍රාදේශීය වැඩසටහනේ දී පවුල් 41ක් ද මෙලෙස විවාහ කරවන ලදී.

ස්වදේශ කටයුතු අමාත්‍ය ගරු වජිර අබේවර්ධන මැතිතුමා පවසන්නේ දීර්ඝකාලයක් යුද්ධයට මුහුණ දී තිබූ උතුරු ප්‍රදේශවල නීත්‍යානුකූළව විවාහ නොවූ නමුත් දරුවන් පවා සිටින අඹු සැමියන් විශාල පිරිසක් සිටින බවයි. ඔවුන්ගේ විවාහ ලියාපදිංචි කිරීම නිල මෙහෙවර ජනපති ජනතා සේවය වැඩසටහන පැවැත්වෙන භූමියේ දී රජයේ වියදමින් සිදුකරන බව ද අමාත්‍යවරයා වැඩිදුරටත් කියා සිටියේය.

 

 

 jaffna-02

jaffna-03 jaffna-04 

 

FaLang translation system by Faboba