විශිෂ්ඨ සේවා සම්පාදනය සඳහා පරිපූර්ණ කාර්ය මණ්ඩලයක් නිර්මාණය කිරීමේ අරමුණින් රාජ්‍ය පරිපාලන, ස්වදේශ කටයුතු, පළාත් සභා හා පළාත් පාලන අමාත්‍යාංශයේ ස්වදේශ කටයුතු පාලන අංශය සංවිධානය කළ ආකල්ප සංවර්ධන දේශනය
කැලණි විශ්ව විද්‍යාලයේ මානව සම්පත් කළමනාකරණ අධ්‍යයන අංශයේ ජ්‍යෙෂ්ඨ කථිකාචාර්ය තරිඳු ධනංජය වීරසිංහ මහතා විසින් 2024.02.21 කොළඹ දිස්ත්‍රික් ලේකම් කාර්යාලයේ ශ්‍රවණාගාරයේදී පැවැත්විණි.
රාජකාරී කටයුතු සඳහා ඇති අභිප්‍රේරණය වැඩිදියුණු කිරීම හා ඵලදායිතාවය ඉහළ නැංවීම උදෙසා මසකට වරක් මෙවැනි ආකල්ප සංවර්ධනය කිරීමේ වැඩසටහනක් පැවැත්වීමට නියමිතයි.
මෙම අවස්ථාව සඳහා ස්වදේශ කටයුතු රාජ්‍ය අමාත්‍ය අශෝක ප්‍රියන්ත මහතා සහ අමාත්‍යාංශය අතිරේක ලේකම්වරුන්, අධ්‍යක්ෂ ජනරාල්වරුන්, කොළඹ දිස්ත්‍රික් ලේකම් කාර්යාලයේ නිලධාරීන්, අමාත්‍යාංශයේ මාණ්ඩලික නිලධාරීන් ඇතුළු රාජ්‍ය සේවකයින් රැසක් එක්ව සිටියහ.
