පුවත්
- ඔබ මෙතැනය:
-
මුල් පිටුව
- පුවත්
පුවත්
ග්‍රාම නිලධාරීන්ගේ දීමනා වැඩි කිරීම පිළිබඳ සොයා බැලීමට විශේෂ කමිටුවක් - රාජ්‍ය අමාත්‍ය අශෝක ප්‍රියන්ත මහතා කියයි ග්‍රාම නිලධාරීන්ගේ දීමනා වැඩි කිරීම පිළිබඳ සොයා බැලීමට විශේෂ කමිටුවක් - රාජ්‍ය අමාත්‍ය අශෝක ප්‍රියන්ත මහතා කියයි
ග්‍රාම නිලධාරීන්ගේ දීමනා වැඩි කිරීම පිළිබඳ සොයා බැලීමට විශේෂ කමිටුවක් - රාජ්‍ය අමාත්‍ය අශෝක ප්‍රියන්ත මහතා කියයි ග්‍රාම නිලධාරීන්ගේ දීමනා වැඩි කිරීම පිළිබඳ සොයා බැලීමට විශේෂ කමිටුවක් - රාජ්‍ය අමාත්‍ය අශෝක ප්‍රියන්ත මහතා කියයි
ග්‍රාම නිලධාරීන්ගේ දීමනා වැඩි කිරීම සම්බන්ධව සොයා බැලීමට විශේෂ කමිටුවක් පත් කිරීමට තීරණය කළ බව ස්වදේශ කටයුතු රාජ්‍ය අමාත්‍ය අශෝක ප්‍රියන්ත මහතා කියා සිටියේය.අමාත්‍යවරයා මේ බව සඳහන් කළේ ස්වදේශ කටයුතු රාජ්‍ය අමාත්‍යංශයේ ශ්‍රවණාගාරයේ 2023.09.16 පැවැත්වූ දිස්ත්‍රික් ලේකම්වරුන්ගේ සමුළුව අතරතුර මාධ්‍යයට අදහස් දක්වමිනි.
දෙදිනක් පුරා පැවති දිස්ත්‍රික් ලේකම්වරුන්ගේ සමුළුවේදී ග්‍රාම නිලධාරීන්ගේ පවතින ගැටලු පිළිබඳව දීර්ඝ ලෙස සාකච්ඡා කළ අතර එහිදී තීරණය වී ඇත්තේ ඔවුන්ට දැනට හිමි දීමනා වැඩි කිරීම සම්බන්ධ විශේෂ කමිටුවක් තුළින් තිරණය ගැනිමටයි.
රාජ්‍ය අමාත්‍ය අශෝක ප්‍රියන්ත මහතා වැඩිදුරටත් සඳහන් කළේ රාජ්‍ය පරිපාලන, ස්වදේශ කටයුතු, පළාත් සභා හා පළාත් පාලන අමාත්‍යාංශයේ ජ්‍යෙෂ්ඨ නිලධාරින්ගේන් සමන්විත කමිටුවක් මඟින් ඉතා ඉක්මනින්ම ග්‍රාම නිලධාරීන්ගේ දීමනා වැඩි කිරීම සම්බන්ධව තීරණයක් ගැනීමට නියමිත බවයි. දීර්ඝ කාලයක සිට ග්‍රාම නිලධාරීවරුන් තමන්ට හිමි දීමනා වැඩි කරන ලෙස ඉල්ලීම් කර තිබිණි.
ස්වදේශ කටයුතු රාජ්‍ය අමාත්‍යංශයේ සේවය කල බහු කාර්ය සංවර්ධන සහායකයින්ට රාජ්‍ය සේවයේ ස්ථිර පත්වීම්...
ස්වදේශ කටයුතු රාජ්‍ය අමාත්‍යංශයේ සේවය කළ බහුකාර්ය සංවර්ධන සහායකයින් කාර්යාල සේවයට බඳවා ගැනීම සඳහා වූ ස්ථිර රාජ්‍ය සේවයේ පත්වීම් ලිපි ප්‍රදානය ස්වදේශ කටයුතු රාජ්‍ය අමාත්‍ය අශෝක ප්‍රියන්ත මහතාගේ ප්‍රධානත්වයෙන් 2023.09.05 දින ස්වදේශ කටයුතු රාජ්‍ය අමාත්‍යාංශයේ දී සිදු කෙරිණී.
බහු කාර්ය සංවර්ධන දෙපාර්තමේන්තුවේ අධ්‍යාපන පෙරපුහුණු අභ්‍යාසලාභී කාල පරිච්ඡේදය සම්පූර්ණ කළ සියලු දෙනාට රාජ්‍ය සේවයේ ස්ථිර පත්වීම් ලබාදීට රජය ගත් තීරණයට අනුව මෙලෙස පත්වීම් ලබා දෙන ලදී .
බහු කාර්ය සංවර්ධන සහායකයින්ට රාජ්‍ය සේවයේ ස්ථිර පත්වීම්...
බහුකාර්ය සංවර්ධන සහායකයින් කාර්යාල සේවයට බඳවා ගැනීම සඳහා වූ පත්වීම් ලිපි ප්‍රදානය සහ එක්දින පුහුණු සැසිය අග්‍රාමාත්‍ය දිනේෂ් ගුණවර්ධන මහතාගේ ප්‍රධානත්වයෙන් 2023.06.30 දින රාජ්‍ය ස්වදේශ කටයුතු අමාත්‍යාංශයේ දී සිදු කෙරිණී.
බහු කාර්ය සංවර්ධන දෙපාර්තමේන්තුවේ අධ්‍යාපන පෙරපුහුණු අභ්‍යාසලාභී කාල පරිච්ඡේදය සම්පූර්ණ කළ 49 දෙනෙකු මෙලෙස පත්වීම් ලබාගත් අතර ඔවුන් කොළඹ දිස්ත්‍රික්කයේ ප්‍රාදේශීය ලේකම් කාර්යාල 13 සහ දිස්ත්‍රික් ලේකම් කාර්යාලයේ ස්ථිර සේවයට එක්වෙයි.
මෙම අවස්ථාව සඳහා
ස්වදේශ කටයුතු රාජ්‍ය අමාත්‍ය අශෝක ප්‍රියන්ත, පාර්ලිමේන්තු මන්ත්‍රීවරුන් වන ගාමිණී ලොකුගේ, යදාමිණී ගුණවර්ධන, අග්‍රාමාත්‍ය ලේකම් අනුර දිසානායක , කොළඹ දිස්ත්‍රික් ලේකම් කේ.ජී. විජේසිරි, බහුකාර්ය සංවර්ධන දෙපාර්තමේන්තුවේ අතිරේක අධ්‍යක්ෂ ජනරාල් මේජර් ජෙනරාල් මහින්ද මුදලිගේ යන මහත්වරුන් , ස්වදේශ කටයුතු රාජ්‍ය අමාත්‍යංශයේ සහ කොළඹ දිස්ත්‍රික් ලේකම් කාර්යාලයේ මාණ්ඩලික නිලධාරීන් සහ පත්වීම්ලාභීන් මෙම අවස්ථාවට සහභාගි වූහ.
v
රාජ්‍ය පරිපාලන, ස්වදේශ කටයුතු, පළාත් සභා හා පළාත් පාලන වැඩබලන අමාත්‍යවරයා ලෙස ස්වදේශ කටයුතු රාජ්‍ය අමාත්‍ය අශෝක ප්‍රියන්ත මහතා පත්කර තිබේ. ගරු ජනාධිපති රනිල් වික්‍රමසිංහ මහතා විසින් මෙම පත්කිරීම සිදුකර ඇත. අග්‍රාමාත්‍ය සහ රාජ්‍ය පරිපාලන, ස්වදේශ කටයුතු,පළාත් සභා හා පළාත් පාලන අමාත්‍ය දිනේෂ් ගුණවර්ධන මහතා නිල සංචාරයක් සඳහා චීනය බලා ගොස් ඇති හෙයින් එතුමන් නැවත ශ්‍රී ලංකාවට පැමිණෙන තෙක් අමාත්‍ය ධුරයේ වැඩ බැලීමට අශෝක ප්‍රියන්ත මහතා පත්කර තිබේ.
ගම්පහ දිස්ත්‍රික්කයේ ප්‍රධාන රාජ්‍ය ආයතන සියල්ල එක වහලක් යටට...
ගම්පහ දිස්ත්‍රික්කයේ ප්‍රධාන රාජ්‍ය ආයතන සියල්ල එකම ස්ථානයකට ගෙන ඒමේ අරමුණින් ඉදිකරන ලද මහල් 09කින් සමන්විත පරිපාලන සංකීර්ණය "ලක් සියනෑ මන්දිරය" 2023.06.27 පස්වරු 4.00ට ගරු ජනාධිපති රනිල් වික්‍රමසිංහ මහතා ප්‍රධානත්වයෙන් සහ ගරු අග්‍රාමාත්‍ය, රාජ්‍ය පරිපාලන ස්වදේශ කටයුතු පළාත් සභා හා පළාත් පාලන අමාත්‍ය දිනේෂ් ගුණවර්ධන මහතාගේ සහභාගිත්වයෙන් ජනතා අයිතියට පත් කිරීම සිදුවිය.
භාණ්ඩාගාර ප්‍රතිපාදන යටතේ රුපියල් මිලියන 4000ක වියදමින් ඉදිකරන ලද මෙම පරිපාලන සංකීර්ණය වර්ග අඩි 2,25,000කින් සමන්විත වනු ඇත. සියලු පහසුකම් සහිත ආසන 1000කින් සමන්විත ශ්‍රවණාගාරයක් ද ආසන 400කින් සමන්විත අංග සම්පූර්ණ ආපන ශාලාවක් ද මෙයට ඇතුළත් වේ.
මෙම සංකීර්ණයෙහි කටයුතු ආරම්භ කිරීමත් සමග මෙතෙක් කලක් ගම්පහ නගරය ඇතුලු විවිධ ස්ථානවල පවත්වා ගෙන ගිය ප්‍රධාන රාජ්‍ය ආයතන 28ක් මෙම සංකීර්ණය වෙත ගෙන එනු ඇත. මීට අමතරව කච්චේරි පරිශ්‍රයේ පවත්වාගෙන ගිය රාජ්‍ය ආයතන ද මෙම සංකීර්ණය වෙත ගෙන යන බැවින් ඒවාත් ඇතුළත්ව ආයතන 37ක් නව සංකීර්ණයෙහි ස්ථාපිත කරනු ලබයි.
එම ජනතාව වෙනුවෙන් සේවාවන් සැලසීම සඳහා රාජ්‍ය ආයතන සියල්ලෙහි සමස්ත කාර්ය මණ්ඩලය 1162 දෙනෙකු වෙති. මෝටර් රථ 209ක් හා බස් රථ 05ක් ගාල් කළ හැකි වාහන අංගනයකින් ද මෙම පරිපාලන සංකීර්ණය සමන්විත වන බව ගම්පහ දිස්ත්‍රික් ලේකම් සමන් දර්ශන පාඬිකෝරාල මහතා පැවසීය.
මේ අවස්ථාවට නිවාස හා නාගරික සංවර්ධන අමාත්‍ය ප්‍රසන්න රණතුංග, වෙළඳ අමාත්‍ය නලින් ප්‍රනාන්දු, ස්වදේශ කටයුතු රාජ්‍ය අමාත්‍ය අශෝක ප්‍රියන්ත මහතා ඇතුළු රාජ්‍ය අමාත්‍යවරුන් වන ෂෙහාන් සේරසිංහ, සිසිර ජයකොඩි, ලසන්ත අලගියවන්න, ප්‍රසන්න රණවීර, ජානක වක්කුඹුර , ගම්පහ දිස්ත්‍රික් සංවර්ධන කමිටුවේ සභාපති පාර්ලිමේන්තු මන්ත්‍රී සහන් ප්‍රදීප් , පාර්ලිමේන්තු මන්ත්‍රීවරුන් වන නිමල් ලන්සා, සුදර්ශනී ප්‍රනාන්දුපුල්ලේ , මිලාන් ජයතිලක, දේශගුණික විපර්යාස පිළිබඳ ජනාධිපති ජ්‍යෙෂ්ඨ උපදේශක රුවන් විජේවර්ධන, බස්නාහිර පළාත් ආණ්ඩුකාරය රොෂාන් ගුණතිලක යන මහත්වරුන් සහ රාජ්‍ය පරිපාලන, ස්වදේශ කටයුතු , පළාත් සභා හා පළාත් පාලන අමාත්‍යාංශයේ ලේකම් රංජිත් අශෝක , දිස්ත්‍රික් ලේකම් සමන් දර්ශන පාඩිකෝරාල යන මහත්වරුන් ඇතුළු රාජ්‍ය නිලධාරීන් මෙම අවස්ථාවට එක්ව සිටියහ.
නවතම පුවත්
- රටේ සිදු කරන සංවර්ධන ව්යාපෘති වල යෝග්යතාවය පිළිබඳ රජයේ නිලධාරීන් වගකිව යුතුයි.
- ආකල්ප සංවර්ධන වැඩසටහන - කැලණි විශ්ව විද්යාලයේ මානව සම්පත් කළමනාකරණ අධ්යයන අංශයේ ජ්‍යෙෂ්ඨ කථිකාචාර්ය තරිඳු ධනංජය වීරසිංහ මහතා විසින්.
- 76 වන ජාතික නිදහස් උත්සවය අභිමානවත් අයුරින් ගරු ජනාධිපති රනිල් වික්‍රමසිංහ මැතිතුමාගේ ප්‍රධානත්වයෙන්
- 2024 වසරේ රාජ්‍ය සේවයේ රාජකාරී කටයුතු ඇරඹීම
- වත්තල ප්‍රාදේශීය ලේකම් කාර්යාලයේ නව පස් මහල් ගොඩනැගිල්ල ගරු අග්‍රාමාත්‍ය සහ රාජ්‍ය පරිපාලන, ස්වදේශ කටයුතු , පළාත් සභා හා පළාත් පාලන අමාත්‍ය දිනේෂ් ගුණවර්ධන මහතාගේ ප්‍රධානත්වයෙන් 2023.12.17 දින විවෘත කරන ලදී.