පුවත්

A progress review meeting on the construction of the new Divisional Secretariat Buildings at Homagama, Jaela, Wattala under the Ministry of Home Affairs was held under the chairmanship of the Minister of State for Home Affairs Mr. Ashoka Priyantha on 01.12.2022 at the Ministry Auditorium.

ග්‍රාමීය ආර්ථික පුනර්ජීවන හා ආහාර සුරක්ෂිතතාව වැඩසටහනේ පුත්තලම දිස්ත්‍රික්කයේ ප්‍රාදේශීය ලේකම් කොට්ඨාස මට්ටමින් ප්‍රගති සමාලෝචනය කිරීමේ විශේෂ සාකච්ඡාවක් ස්වදේශ කටයුතු රාජ්‍ය අමාත්‍ය අශෝක ප්‍රියන්ත මැතුමාගේ ප්‍රධානත්වයෙන් පුත්තලම දිස්ත්‍රික් ලේකම් කාර්යාලයේ දී 2022.11.30 දින පැවැත්විණි.

මෙම සාකච්ඡාව සඳහා පුත්තලම දිස්ත්‍රික්කයේ සියලු ප්‍රාදේශීය ලේකම්වරුන් සහ ප්‍රාදේශීය ලේකම් කාර්යාල වල සැලසුම් අධ්‍යක්ෂ නිලධාරීන් සහභාගි විය.

* ග්‍රාමීය ආර්ථික පුනර්ජීවන හා ආහාර සුරක්ෂිතතා කමිටු ක්‍රියාකාරකම්,

* ගෙවතු සංවර්ධනය යටතේ පෝෂිත ගෙවත්තක් නිර්මාණය කිරීමේ වැඩසටහනේ ප්‍රගතිය

* කෘෂි කාර්මික කටයුතු සඳහා අවශ්‍ය පොහොර බෙදාදීම

* පෝෂණ ඌනතා සහිත දරුවන් සහ ගැබිනි මව්වරුන් සඳහා පෝෂණ වැඩසටහන් ක්‍රියාත්මක කිරීම යන අංශ පිළිබඳව මෙහිදී සාකච්ඡාවට ලක් විය.
මෙම සාකච්ඡාව සඳහා ස්වදේශ කටයුතු රාජ්‍ය අමාත්‍යාංශයේ අතිරේක ලේකම්වරු වන ආනන්ද වන්නිනායක, වර්ණ ශ්‍රී ධනපාල , පුත්තලම දිස්ත්‍රික් ලේකම් එච්. එම්.එස් හේරත් , ජ්‍යෙෂ්ඨ සහකාර ලේකම් චේතිය වීරසූරිය මහත්වරුන් මෙන්ම රාජ්‍ය නිලධාරීන් රැසක් එක්ව සිටියේය.

බාගතකරන්න

දිස්ත්‍රික් ලේකම් කාර්යාල හා ප්‍රාදේශීය ලේකම් කාර්යාල ඉදිකරමින් පවතින ගොඩනැගිලි කඩිනමින් අවසන් කර ජනතා අයිතියට පත් කරන ලෙස ස්වදේශ කටයුතු රාජ්‍ය අමාත්‍ය අශෝක ප්‍රියන්ත කියා සිටියේය.
අමාත්‍යවරයා මේ බව සඳහන් කළේ 2022.11.29 දින රාජ්‍ය අමාත්‍යාංශයේ ශ්‍රවණාගාරයේ දී දිස්ත්‍රික් ලේකම් කාර්යාලය කිහිපයක ගොඩනැගිලි ඉදිකරන කොන්ත්‍රාත් සමාගම් වල නිලධාරීන් සමග පැවැති සාකච්ඡාවකට එක්වෙමිනි.

මඩකලපුව , ගාල්ල, කෑගල්ල , පොලොන්නරුව යන දිස්ත්‍රික් ලේකම් කාර්යාලවල ඉදිවෙමින් පවතින ගොඩනැගිලිවල ප්‍රගතිය පිළිබඳව සොයා බැලීම මෙහිදී සිදුවිය.

නියමිත දිනට සහ ප්‍රමිතිය පිළිබඳව සෑහීමට පත් නොවන කොන්ත්‍රාත් සමාගම් අසාදු ලේඛනගත කිරීමට අදාල නිළධාරීන්ට මෙහිදී රාජ්‍ය අමාත්‍ය අශෝක ප්‍රියන්ත මහතා උපදෙස් ලබා දුන්නේය. වර්තමානයේ කොන්ත්‍රාත්කරුවන්ට පවතින ගැටලු පිළිබඳව ද මෙහිදී සාකච්ඡාවට ලක්විය.

ජනතාවගේ බදු මුදල් ජනතාවගේ සේවය වෙනුවෙන් යෙදවීම සිදුකල යුතු බව රාජ්‍ය අමාත්‍ය අශෝක ප්‍රියන්ත මහතා වැඩිදුරටත් කියා සිටියේය.

පරිපාලන අවශ්‍යතාවය මත මෙම දිස්ත්‍රික් ලේකම් කාර්යාල ගොඩනැගිලි ඉදි වෙමින් පවතී.

මෙම අවස්ථාව සඳහා ස්වදේශ කටයුතු රාජ්‍ය අමාත්‍යාංශයේ අතිරේක ලේකම් ආනන්ද වන්නිනායක, අධ්‍යක්ෂ ජනරාල් (තාක්ෂණ) එච්.ඩබ්.
.එස්.පී ජයවර්ධන , මඩකළපු දිස්ත්‍රික් ලේකම් කනපතිපිල්ලායි කරුණාහරන් යන මහත්වරුන් මෙන්ම අදාල දිස්ත්‍රික් ලේකම් කාර්යාලවල සැලසුම් අධ්‍යක්ෂකවරුන් සහ රාජ්‍ය නිලධාරීහු රැසක් එක්ව සිටියේය.

රෙජිස්ට්‍රාර් ජනරාල් දෙපාර්තමේන්තුවේ සේවා ව්‍යවස්ථාව කඩිනමින් සකස් කර සේවකයින්ගේ උසස්වීම් පටිපාටිය විධිමත් කිරීමට කටයුතු කරන බව ස්වදේශ කටයුතු රාජ්‍ය අමාත්‍ය අශෝක ප්‍රියන්ත මහතා කියා සිටියේය.
රාජ්‍ය අමාත්‍යවරයා මේ බව සඳහන් කළේ 2022.11.16 දින බත්තරමුල්ලේ පිහිටි රෙජිස්ට්‍රාර් ජනරාල් දෙපාර්තමේන්තුවේ නිරීක්ෂණ චාරිකාවකට එක්වෙමින්.

රෙජිස්ට්‍රාර් ජනරාල් දෙපාර්තමේන්තුව දීර්ඝ කාලීන ගැටලුවක් වන සේවා ව්‍යවස්ථාව පිහිටුවීමට තමා සෘජුව මැදිහත් වන බවත් ඒ තුළින් තෘප්තිමත් සහ කාර්යක්ෂම රාජ්‍ය සේවකයින් පිරිසක් බිහි කළ හැකි බවත් අමාත්‍යවරයා මෙහිදී කියා සිටියේය.

වර්තමානයට ගැලපෙන පරිදි රාජ්‍ය සේවකයින් නව තාක්ෂණය සමඟ වෙනස් විය යුතුයි. ඒ තුළින් ලෝකයේ අනෙකුත් රටවල් සමග අප රට ද ඉදිරියට යා හැකියි. රටක නිවරදි දත්ත පද්ධතියක් තුළින් විවිධ අක්‍රමිකතා වලක්වාගත හැකි බව රාජ්‍ය අමාත්‍යය අශෝක ප්‍රියන්ත මහතා රෙජිස්ට්‍රාර් දෙපාර්තමේන්තුවේ නිලධාරීන්ට කියා සිටියේය. මහජනතාවගේ විශ්වාසය රැකීම දේශපාලනඥයා සේම රාජ්‍ය නිලධාරියාගේ වගකීමක බව එහිදී අමාත්‍යවරයා වැඩිදුරටත් කියා සිටියේය.

මෙම අවස්ථාව සඳහා ස්වදේශ කටයුතු රාජ්‍ය අමාත්‍යාංශයේ අතිරේක ලේකම් ආනන්ද වන්නිනායක මහතා, රෙජිස්ට්‍රාර් ජෙනරාල් පී.එස්.පී අබේවර්ධන මහතා ඇතුළු රෙජිස්ට්‍රාර් ජනරාල් දෙපාර්තමේන්තුවේ ජ්‍යෙෂ්ඨ නිලධාරීන් රැසක් එක්ව සිටියහ.