පුවත්
- ඔබ මෙතැනය:
-
මුල් පිටුව
- පුවත්
පුවත්
දිස්ත්‍රික් ලේකම් සමුළුව අද (17)ආරක්ෂක ලේකම් සහ රාජ්‍ය ආරක්ෂක, ස්වදේශ කටයුතු හා ආපදා කළමනාකරණ රාජ්‍ය අමාත්‍යාංශයේ ලේකම් ජනරාල් කමල් ගුණරත්න මහතාගේ ප්‍රධානත්වයෙන් පැවැත්විණි. ඒ රාජ්‍ය ආරක්ෂක, ස්වදේශ කටයුතු හා ආපදා කළමනාකරණ රාජ්‍ය අමාත්‍යාංශ ශ්‍රවණාගාරයේ දී.
අභිමානවත් 73 වන ජාතික නිදහස් දින සැමරුම් උළෙල අද (04) නිදහස් චතුරස්‍රයේ දී ශ්‍රී ලංකා ප්‍රජාතන්ත්‍රවාදී සමාජවාදී ජනරජයේ අතිගරු ජනාධිපති ගෝඨාභය රාජපක්ෂ මැතිතුමාගේ ප්‍රධානත්වයෙන් පැවැත්විණි ඉසුරුමත් හෙට දිනක් - සෞභාග්‍යමත් මව්බිමක් යන තේමාව යටතේ මෙවර ජාතික නිදහස් දින සැමරුම උළෙල පැවැත්විණි. ත්‍රිවිධ හමුදාවේ ආචාර පෙළපාලි සහ මනරම් සංස්කෘතික සංදර්ශනයන්ගෙන් සමන්විත වූ අතර සෞඛ්‍යය මාර්ග උපදේශයන්ට අනුව මෙවර ජාතික නිදහස් උත්සවය පැවැත්විය. අග්‍රාමාත්‍ය මහින්ද රාජපක්ෂ මහතා ඇතුළු විදෙස් තානාපතිවරුන් , මහකොමසාරිස්වරු ඇතුළු රාජතාන්ත්‍රිකයින් හා මැති ඇමතිවරුන්ගේ සහභාගිත්වයෙන් ජාතික නිදහස් උත්සවය අභිමානවත් අන්දමින් පැවැත්විණි.
රාජ්‍ය පරිපාලන, ස්වදේශ කටයුතු, පළාත් සභා හා පළාත් පාලන අමාත්‍යාංශයේ ස්වදේශ කටයුතු අංශය මගින් සංවිධානය කර ක්‍රියාත්මක කරන ලද සහතික පත්‍ර පාඨමාලා නිසි පරිදි අවසන් කළ සියලු නිලධාරීන් වෙන සහතික පත්‍ර ප්‍රදානය කිරීම පසුගිය 09 වන දා රාජ්‍ය කළමනාකරණ හා ගිණුම් කටයුතු රාජ්‍ය අමාත්‍ය ලසන්ත අලගියවන්න මැතිතුමාගේ ප්‍රධානත්වයෙන් නිල මැදුර පරිශ්‍රෙය්දී සිදු කෙරිණි.
දිස්ත්‍රික් ලේකම් කාර්යාල 25කින් හා ප්‍රාදේශීය ලේකම් කාර්යාල 332කින් සමන්විත ස්වදේශ කටයුතු අංශයේ නිලධාරීන්ගේ ඉල්ලීම පරිදි දිවයින පුරා ක්‍රියාත්මක කිරීමට අරමුණු කර ගනිමින් ආරම්භ කළ පුහුණු පාඨමාලා අදියරේ පළමු පියවර ලෙස පැවැති මෙම පාඨාමාලා සඳහා කොළඹ, කළුතර, ගම්පහ යන දිස්ත්‍රික්වල නිලධාරීන් සම්බන්ධ වී සිටියහ. එසේ සම්බන්ධ වූ නිලධාරීන් අතුරින් විනය කටයුතු සහතික පත්‍ර පාඨමාලාව අවසන් කළ නිලධාරීන් 93 දෙනෙකු, ප්‍රසම්පාදන සහතික පත්‍ර පාඨමාලාව අවසන් කළ නිලධාරීන් 88 දෙනෙකු, තොරතුරු තාක්ෂණ සහතික පත්‍ර පාඨමාලාව අවසන් කළ නිලධාරීන් 41 දෙනෙකු සඳහා මෙහිදී සහතික පත්‍ර පිරිනැමිණි.
මෙම අවස්ථාව සඳහා රාජ්‍ය කළමණාකරණ හා ගිණුම් කටයුතු රාජ්‍ය අමාත්‍ය ගරු ලසන්ත අලගියවන්න මැතිතුමා, රාජ්‍ය පරිපාලන, ස්වදේශ කටයුතු, පළාත් සභා හා පළාත් පාලන අමාත්‍යාංශ ලේකම් එස්. හෙට්ටිආරච්චි මැතිතුමා, රාජ්‍ය කළමණාකරණ හා ගිණුම් කටයුතු රාජ්‍ය අමාත්‍යාංශ ලේකම් එස්.ජී. විජයබන්දු මහතා ඇතුළු රාජ්‍ය පරිපාලන, ස්වදේශ කටයුතු, පළාත් සභා හා පළාත් පාලන අමාත්‍යාංශයේ නිලධාරීන් බොහෝ පිරිසක් සම්බන්ධ වී සිටියහ.
2020 වසරේ දිවයිනේ අති විශිෂ්ඨතම රාජ්‍ය නිලධාරියා තේරීමේ තරඟයේ කුටප්‍රාප්තිය සනිටුහන් කරමින්, ගාල්ල කඩවත්සතර ප්‍රාදේශීය ලේකම්, හිමාලි රත්නවීර මහත්මිය එම කිරුළ දිනාගැනීමට සමත් වුවාය. එම තරඟය සඳහා තරඟ කළ අනෙකුත් රාජ්‍ය නිලධාරීන් වූයේ සමුපකාර දෙපාර්තමේන්තුවේ කොමසාරිස් චමිලා අතපත්තු මහත්මිය, අඩවි වන සහකාර චමින්ද අත්තනායක මහතා, ජ්‍යෙෂ්ඨ පොලිස් අධිකාරි එස්. මුණසිංහ මහතා සහ යාපනය ප්‍රාදේශීය ලේකම් එස්. සුදර්ශන් මහතා යන මහත්ම මහත්මීන්ය.
2020 නව වසරේ ආරම්භක දින රාජ්‍ය පරිපාලන, ස්වදේශ කටයුතු, පළාත් සභා හා පළාත් පාලන ආමාත්‍යාංශයේ ස්වදේශ කටයුතු අංශය සිය රාජකාරි කටයුතු “නිල මැදුර“ පරිශ්‍රෙය්දී ආරම්භ කෙරිණි.
මෙම අවස්ථාව සඳහා රාජ්‍ය පරිපාලන හා ගිණුම් කළමනාකරණ රාජ්‍ය අමාත්‍ය ලසන්ත අලගියවන්න මහතා, රාජ්‍ය පරිපාලන හා ගිණුම් කළමනාකරණ රාජ්‍ය ලේකම් එස්.ජී. විජයබන්දු මහතා, කොළඹ දිස්ත්‍රික් ලේකම් සුනිල් කන්නන්ගර මහතා ඇතුළු ස්වදේශ කටයුතු අංශයේ සියලුම මාණ්ඩලික නිලධාරීන් මෙන්ම සෙසු නිලධාරීන්ද සහභාගී වී සිටියහ.
ජාතික ධජය එසවීමෙන් පසු රාජ්‍ය සේවා ප්‍රතිඥාව සියලු නිලධාරීන් එක්ව ප්‍රතිඥා දුන් අතර, ඉන් අනතරුව සර්ව ආගමික වතාවත් සිදු කෙරිණි.
නවතම පුවත්
- රටේ සිදු කරන සංවර්ධන ව්යාපෘති වල යෝග්යතාවය පිළිබඳ රජයේ නිලධාරීන් වගකිව යුතුයි.
- ආකල්ප සංවර්ධන වැඩසටහන - කැලණි විශ්ව විද්යාලයේ මානව සම්පත් කළමනාකරණ අධ්යයන අංශයේ ජ්‍යෙෂ්ඨ කථිකාචාර්ය තරිඳු ධනංජය වීරසිංහ මහතා විසින්.
- 76 වන ජාතික නිදහස් උත්සවය අභිමානවත් අයුරින් ගරු ජනාධිපති රනිල් වික්රමසිංහ මැතිතුමාගේ ප්‍රධානත්වයෙන්
- 2024 වසරේ රාජ්‍ය සේවයේ රාජකාරී කටයුතු ඇරඹීම
- වත්තල ප්‍රාදේශීය ලේකම් කාර්යාලයේ නව පස් මහල් ගොඩනැගිල්ල ගරු අග්‍රාමාත්‍ය සහ රාජ්‍ය පරිපාලන, ස්වදේශ කටයුතු , පළාත් සභා හා පළාත් පාලන අමාත්‍ය දිනේෂ් ගුණවර්ධන මහතාගේ ප්‍රධානත්වයෙන් 2023.12.17 දින විවෘත කරන ලදී.