පුවත්

Chinese Prime Minister Li Qiang assured Prime Minister Dinesh Gunawardena that China will continue to support Sri Lanka's debt restructuring process and support the development of Sri Lanka's economy.

During the high-level bilateral talks held in Beijing on 26.03.2024, the Chinese Prime Minister appreciated the economic progress achieved by Sri Lanka after an economic setback.

 

 

පුත්තලම, මුන්දලම ප්‍රාදේශීය ලේකම් කාර්යාලයීය නව ගොඩනැගිල්ල ජනතා අයිතියට...

සංවර්ධන ඉලක්ක සපුරාලීමේ අරමුණෙන් රජයේ නිලධාරීන්ට දිමනාවක්...

පාසලෙන් පිටවෙන දරුවන් තොරතුරු තාක්ෂණය සහ වෘත්තීය පුහුණුවට යොමු කිරීමට ප්‍රාදේශීය ලේකම්වරුන්ට බලය...

අග්‍රාමාත්‍ය දිනේෂ් ගුණවර්ධන මහතා මේ බව සඳහන් කළේ 2024.03.12 පුත්තලම, මුන්දලම ප්‍රාදේශීය ලේකම් කාර්යාලයීය නව ගොඩනැගිල්ල ජනතා අයිතියට පත්කිරීමේ අවස්ථාවට එක්වෙමිනි.
එහිදී අදහස් දැක් වූ අග්‍රාමාත්‍යවරයා -
ජනතාවගේ ප්‍රශ්න වලට රජය මගින්, රාජ්‍ය දෙපාර්තමේන්තු මගින් ඉටු කළ යුතු සේවාවට මුල් වියයුත්තේ ප්‍රාදේශීය ලේකම් කාර්යාලයයි.
ඔබ ඉටුකරන්නේ ජනාධිපති රනිල් වික්‍රමසිංහ මහතා අලුතෙන් ප්‍රකාශයට පත් කර තිබෙන සංවර්ධන ක්‍රියාදාමයේ එක වැදගත් කොටසක්. ප්‍රාදේශීය සංවර්ධනයට, දිස්ත්‍රික් සංවර්ධනයට අපේ ආණ්ඩුකාරවරුන් සමඟ ඒ සැලසුම් ගමට ගෙනයාම ප්‍රාදේශීය ලේකම්වරුන්ගේ වගකීම.
මේ කටයුත්ත ප්‍රාදේශීය ලේකම්වරුන්ගේ ඇඟිලි තුඩුවල තියෙන්න ඕනේ. ආපහු පොතපත බලන්න බැහැ. මේ කාර්යාලය හෙට දිනයේ සිට එවැනි තත්ත්වයකින් අලුත් ජවයකින් සේවාව ඉටුකළ යුතුයි. සිංහල, දෙමළ, මුස්ලිම් සියලු දෙනාගේ බලාපොරොත්තු ඉටු වෙන්න ඕනේ. ආදායම් ඇති සහ ආදායම් දුර්වල ජන කොට්ඨාස දෙකක් මේ සමාජයේ සිටිනවා. ඒ හැමෝගෙම බලාපොරොත්තු ඉටු කළ යුතුයි. ආදායම් ඇති අයට ඒ ආදායම් වැඩිදියුණු කර ගැනීමටත් ආදායම් දුර්වල ජන කොට්ඨාස නගා සිටුවීමටත් පියවර ගතයුතුයි. රජයේ ප්‍රකාශිත අයවැය ‍ලේඛනයේ වැඩපිළිවෙළ අනුව පෞද්ගලික අංශය දියුණු වෙන්න ඕනේ. සම්පත් වැඩි වෙන්න ඕනේ. සම්පත් එසේ වැඩිවෙන්න නම් තවත් ආයෝජනයන්ට රුකුල් ලබාදිය යුතුයි.
ජනාධිපතිතුමා ධූරය භාරගෙන ආණ්ඩුව භාරගත්ත වේලාවේ රට තිබුණු තත්ත්වය ඔබ සැමට කලින් මතක් කලා. එය ඔබේ මතකයෙන් ගිලිහී ගොස් නැතැයි කියා අපි විශ්වාස කරනවා. එවැනි තත්ත්වයක් අපි යළි ප්‍රාර්ථනා නොකරමු. එවැනි තත්ත්වයකට යළිත් රට ගෙන නොයන්න, ඒ කාල පරිච්ඡේදයේ මුහුණ දෙන්නට සිදුවුණු අමාරුම සේවා සහ පහසුකම් වගේම ද්‍රව්‍යමය අත්‍යවශ්‍ය පහසුකම් සඳහා වේගවත් සහනයක් අප ලබා දීලා තියෙනවා.
ප්‍රශ්න ඉවර නැහැ. ප්‍රශ්න හමාර කර ගත හැකි අලුත් උත්සාහයකට ආර්ථිකය ගමන් කළ යුතුයි. ඒ ගමන රාජ්‍ය නායකයාට හෝ පාර්ලිමේන්තුවට හෝ අග්‍රාමාත්‍යවරයාට පමණක් කරන්නට බැහැ.මුළු රටම එකතුවෙලා ගන්න ඕන පියවරක්.

රට පණ ගන්වන්නට නම් අලුත් බලාපොරොත්තු ඇතිව ආර්ථිකය වර්ධනය කරගත යුතුයි. විදේශ ආයෝජනයන් සහ දේශීය ව්‍යාපාරිකයන්ද ඊට එකතු වී අලුත් උත්සාහයක නිරත විය යුතුයි. මේ දේට රුකුල් දීමයි ප්‍රාදේශීය ලේකම්තුමා සිදු කළ යුත්තේ.
රාජ්‍ය සේවකයින්ට යම්කිසි දීමනාවක් වැඩි කරන්නට පුළුවන් වෙන ආකාරයට ආදායම් වැඩි කරගන්න අපට පුළුවන් වුණා. විශ්‍රාමිකයෝ හය ලක්ෂයක් ලංකාවේ ඉන්නවා. ඒ අයගේ විශ්‍රාමයත් එලෙස ශක්තිමත් කරල ලබාදෙන්න පුළුවන්කමට අද රට ගෙනල්ලා තියෙනවා. විශ්‍රාම අර මුදලට බිලියන 18ක හිඟයක් තිබුණා. අප ඒ සියල්ල ගෙව්වා. අරමුදල හිඟයක් නැතුව දැන් ශක්තිමත්ව වැඩ කරනවා.
ඔබේ රාජකාරිය ඉෂ්ට කරන්න වගකීමක් හා යුතුකමක් තිබෙනවා. ඒ මහජනයා වෙනුවෙන්. එය ඉෂ්ට කිරීම සඳහා මේ ප්‍රාදේශීය ලේකම් කාර්යාලය ශක්‍රීය වෙයි කියලා මම විශ්වාස කරනවා.
අපි ඊයෙ ජනාධිපතිතුමා සමග සාකච්ඡා කරලා තීරණයක් ගත්තා. සෑම ප්‍රාදේශීය ලේකම් කාර්යාලයකම, දිස්ත්‍රික් ලේකම් කාර්යාලයකම සිටින උප නිලධාරීන්ට දීමනා ගණනාවක් වැඩි කරන්න. සංවර්ධනය ඉලක්කයන් සපුරාලීම සඳහායි එය තීරණය කරනු ලැබුවේ. ඒ අනුව සංවර්ධන ඉලක්ක සපුරාලීම සඳහා නිලධාරීන්ට අලුත් දිමනාවක් එක් වෙනවා ඇති. දිසාපතිතුමා, ප්‍රාදේශීය ලේකම්වරුන්, ඉලක්කයන්ට වැඩ කිරීමෙන් ඵලදායී නිෂ්පාදන සහ සේවාවන් ඇති කිරීමයි අවශ්‍ය වන්නේ.
සෑම ග්‍රාම නිලධාරී කොට්ඨාශයකම පුරප්පාඩු සඳහා ලබන මාසේ අන්තිම වෙන්න පෙර අලුත් ග්‍රාම නිලධාරිවරයෙක් පත් විය යුතුයි. අඩුපාඩුවක් තිබෙනවා නම් එය සපුරාලීමෙන් අපට ප්‍රාදේශීය ලේකම් ජාලය ශක්තිමත් කළ හැකියි.
පාසලෙන් පිටවෙන දරුවන් තොරතුරු තාක්ෂණය සහ වෘත්තීයමය දැනුම ඇති කිරීම සඳහා වහාම ක්‍රියාත්මක වන බලයක් පැවරුවා. රාජ්‍ය දෙපාර්තමේන්තු වෙන්න පුළුවන්, ප්‍රාදේශීය සභාව මගින් හෝ පළාත් පාලන ආයතන සියල්ලටම පුළුවන් මේ වැඩ පිළිවෙලට අවතීරණය වීමට. අවශ්‍ය මූල්‍ය පහසුකම් සහ අවශ්‍ය දැනුම ඇති වෘත්තිකයන් ලබාගෙන අපේ දරුවන්ට විශේෂ දැනුමක් ලබාදීමේ ඉලක්ක සපුරාලන්න. එයින් අලුත් සමාජයකට, අලුත් දැනුම ඇති සමාජයකට පිවිසෙන්න පුළුවන්කම කරා ගමන් කරන අධ්‍යාපනයේ තවත් මාර්ගයකට ඉදිරි මාස දෙක තුළ පිවිසෙන්නට ප්‍රාදේශීය ලේකම්වරුන් සහාය වෙනු ඇතැයි මම හිතනවා.

වයඹ පළාත් ආණ්ඩුකාර ලක්ෂ්මන් යාපා අබේවර්ධන, රාජ්‍ය අමාත්‍යවරුන් වන අශෝක ප්‍රියන්ත, අරුන්දික ප්‍රනාන්දු, පුත්තලම් දිස්ත්‍රික් සංවර්ධන කමිටු සභාපති චින්තක අමල් මායාදුන්න, පාර්ලිමේන්තු මන්ත්‍රීවරුන් වන යාදාමිණි ගුණවර්ධන, ජගත් ප්‍රියංකර, අලි සබ්රි රහීම්, රාජ්‍ය පරිපාලන, ස්වදේශ කටයුතු, පළාත් සභා හා පළාත් පාලන අමාත්‍යාංශයේ ලේකම් ප්‍රදීප් යසරත්න, ඇතුළු රාජ්‍ය නිලධාරීන් මෙම අවස්ථාවට සහභාගි වූහ

 

 

  

 

  

 

  

 

  

 

  

 

  

 

  

 

  

 

  

 

  

 

  

 

  

 

  

 

  

 

  

 

  

 

  

 

  

 

  

 

  

 

නාස්තිය හා දූෂණය කපා හරිමින් 2024 වසරේදී ඉලක්කගත සංවර්ධන ක්‍රියාදාමයකට අවතීර්ණ වෙමු. රට ගොඩනැගෙන්නේ සහයෝගයෙන් සහ එකමුතුවෙන්. රට ගොඩනැගුනොත් එහි ප්‍රතිඵලය ඔබටයි ඔබගේ දරුවන්ටයි. -අග්‍රාමාත්‍ය දිනේෂ් ගුණවර්ධන මහතා අග්‍රාමාත්‍යවරයා මේ බව සඳහන් කළේ උඩුගම මූලික රෝහලේ සිව් මහල් ගොඩනැගිල්ල සහ නියාගම ප්‍රාදේශීය රෝහලේ තෙමහල් ගොඩනැගිල්ලේ පළමු අදියර ජනතා අයිතියට පත් කිරීමේ අවස්ථාවන්ට 2024.03.18 දින එක්වෙමිනි. දකුණු පළාත් සභා ප්‍රතිපාදන සහ ලෝක බැංකු ආධාර යටතේ ප්‍රාථමික සෞඛ්‍ය සේවා සත්කාර පද්ධති සවි බල ගැන්වීමේ ව්‍යාපෘතිය මගින් උඩුගම මූලික රෝහලේ රුපියල් මිලියන 400ක වියදමින් මෙම නව සිව් මහල් ගොඩනැගිල්ල ඉදිකර ඇති අතර ගොඩනැගිල්ලේ බිම් මහලේ අනතුරු හා හදිසි අනතුරු ඒකකය, අධිකරණ වෛද්‍ය ඒකකය, පළමු මහලේ ශල්‍යාගාරය A,B,C සහ දෙවන මහල වාට්ටු අංක 01, තෙවන මහල වාට්ටු අංක 05 ප්‍රදේශයේ රෝගී සත්කාර සේවාවන් අවැසි ජනතාව වෙනුවෙන් සුව සහනය සලසනු ඇත. නියාගම ප්‍රාදේශීය රෝහලේ තෙමහල් ගොඩනැගිල්ලේ පළමු අදියර සඳහා වැය කළ මුදල රුපියල් කෝටි නමයයි දශම පහකි. පළමු අදියර තුළ බාහිර රෝගී අංශය සායන සහ හදිසි ප්‍රතිකාර ඒකකයන්ද වන අතර එහි දෙවැනි අදියරේ ඉදිකිරීම් කටයුතු සිදු කිරීම සඳහා සෞඛ්‍ය අමාත්‍යාංශය රුපියල් මිලියන විස්සක ප්‍රතිපාදන ලබාදීමට පියවර ගෙන ඇත. එහිදී අදහස් දැක් වූ අග්‍රාමාත්‍යවරයා - ලංකාවේ ඉතිහාසය පුරා සෞඛ්‍ය සහ අධ්‍යාපනයට සුවිශේෂ බරක් යොදා තිබෙනවා. මේ ආයෝජනයන් දෙක නිසා ජාත්‍යන්තර මිනුම් දඬුවල අපි ඉදිරියෙන්ම සිටියා. ඒ තුළින් බිහි වූ වෛද්‍ය පරම්පරාවන් රටවැසියාට ලබා දුන් සේවාව අගය කළ යුතුයි. අපි ගමන් කළේ බොහොම අමාරු කාලයක්. ඒ අමාරු කාලය අප අමතක කළ යුතු නැහැ. ඒ අමාරු කාලේ අපේ ජාත්‍යන්තර ගනුදෙනු නැවතුණා. ජාත්‍යන්තර බැංකු, ලංකාවේ බැංකු එක්ක ගනුදෙනු කරන්නේ නැහැ කියලා තීරණය කළා. ඒ අපේ රට වැටිලා තිබුණු මූල්‍ය ආර්ථික අර්බුදය නිසයි. ඒ අවස්ථාවේ ආණ්ඩුවට පුළුවන්කම ඇතිවුණා ඒ අමාරු දුෂ්කර කාලය ගතකරලා යලිත් වරක් මේ කපා තිබූ පෙකණි වැල සම්බන්ධ කරන්න. අද ඒ අමාරු තත්ත්වයෙන් රට නිදහස් කරගෙන ආර්ථිකය යළි ස්ථාවර තත්ත්වයකට පරිවර්තනය කරගන්න පුළුවන් වීම නිසා මේ අවුරුද්දේ විශාල මුදල් ප්‍රමාණයක් ග්‍රාමීය දියුණුවට යෙදවීමට 2024 අයවැය ලේඛනයෙන් මුදල් ප්‍රතිපාදන ලබා දී තිබෙනවා. විමධ්‍යගත අරමුදලට අනුව පළාත් සභා අරමුදල් සහ ව්‍යාපෘති සඳහා වූ මුදල් අලුතින් ආර්ථිකයට එන්නත් කරනවා. අලුත් බඳවා ගැනීමේ යම් යම් සීමාවල් තුළ ඇතැම් බඳවා ගැනීම් වලට ඉඩකඩ ඇහිරී තිබුණත් වෛද්‍ය ක්ෂේත්‍රයේ, සෞඛ්‍ය ක්ෂේත්‍රයේ සහ විවිධ ක්ෂේත්‍රයන් වල බඳවා ගැනීම් වැඩි කරන්න පියවර ගෙන තිබෙනවා. හෙද ක්ෂේත්‍රයට, විශ්ව විද්‍යාල උපාධියක් කරා ගමන් කළ හැකි සුවිශේෂ විශ්වවිද්‍යාල ප්‍රවේශයක් සකස්කර අනුමත කර තීරණයක් ගෙන තිබෙනවා. ඒ තුළින් හෙද ක්ෂේත්‍රය තවත් පුළුල් කළ හැකි ක්ෂේත්‍රයන් සඳහා ගමන් කරවීමට අපේක්ෂා කරනවා. ඉදිරි වැඩ පිළිවෙලක් ඇතිව එලෙස ගමන් කරන මොහොතකදී නියාගමට පොදු සෞඛ්‍ය සේවය ඉටු කර ගැනීමේ ක්‍රියාවලිය වඩාත් පහසු කර ගැනීමට අද සිට අවස්ථාව හිමිවෙනවා. සෞඛ්‍ය ඇමතිතුමා දකිනවිට රිචඩ් පතිරණ අමාත්‍යවරයාත්, ඉසුරු දොඩංගොඩ මන්ත්‍රීවරයා දකිනවිට අමරසිරි දොඩංගොඩ ඇමතිවරයාත් සිහිපත් වෙනවා. අපි එකම දවසේ පාර්ලිමේන්තුවට පත්වුණේ. අවුරුදු හතළිහකට කලින් එකම දවසේ පාර්ලිමේන්තුවට ඇවිල්ලා අපි සහයෝගයෙන් කටයුතු කළා. පොදුජන ව්‍යාපාරයට ශක්තිය දෙන්න දායක වුණා. ඒ දෙපළගේ ආදරණීය දරුවන් ජාතික සංවර්ධන සංවාදයට හවුල් වීම අගය කරනවා. වෛද්‍ය ක්ෂේත්‍රය සම්පූර්ණයෙන් අභියෝගයට ලක්වෙලා තිබෙන ක්ෂේත්‍රයක්. සෞඛ්‍ය අංශයට ඒවායෙන් ප්‍රයෝජන හැකි අවස්ථාවන් තිබෙනවා. කරාපිටිය මහ රෝහල වගේ විශේෂ සේවාවන් රාශියක් මෙම රෝහලින් ලබාදීමට හැකිවන සේ නව දැනුම හා තොරතුරු තාක්ෂණ දියුණුව රෝහල තුළ ඇතිකරන්න අවශ්‍යයි. එය සාර්ථක කර ගැනීමට හැමදෙනාගේම සහයෝගය ලැබෙනු ඇතැයි විශ්වාස කරනවා. නිරෝගිමත් ලංකාවක් ගොඩනැගීමේ අභිප්‍රාය සඳහා නිරන්තරයෙන් කැපවෙන වෛද්‍ය ක්ෂේත්‍රයේ සියලු අංශ සහයෝගය ඒ වෙනුවෙන් රජයටත් මේ ක්‍රියාදාමයටත් එක්කර ගැනීමේ ඕනෑකම සඳහා අපි වැඩ කරනවා. රට ගොඩනැගෙන්නේ සහයෝගයෙන් සහ එකමුතුවෙන්. රට ගොඩනැගුනොත් එහි ප්‍රතිඵලය ඔබටයි ඔබගේ දරුවන්ටයි. සෞඛ්‍ය අමාත්‍ය රමේෂ් පතිරණ, දකුණු පළාත් ආණ්ඩුකාර ආචාර්ය විලී.ගමගේ, ගාල්ල දිස්ත්‍රික් සම්බන්ධීකරණ කමිටු සභාපති සම්පත් අතුකෝරළ, පාර්ලිමේන්තු මන්ත්‍රී ඉසුරු දොඩංගොඩ, යදාමිණි ගුණවර්ධන, ඇතුළු හිටපු මන්ත්‍රීවරුන්, සෞඛ්‍ය අමාත්‍යාංශයේ ලේකම් විශේෂඥ වෛද්‍ය පාලිත මහීපාල, දකුණු පළාත් ප්‍රධාන ලේකම් නීතීඥ සුමිත් අලහකෝන්, ඇතුළු පිරිස සහ මහජනතාව මෙම අවස්ථාවට සහභාගි වූහ.

ආර්ථික සංවර්ධන නිලධාරීන්ගේ වෘත්තීය ගැටලු සොයා බැලීම පිළිබඳ සාකච්ඡාවක් සමස්ත ලංකා ආර්ථික සංවර්ධන නිලධාරීන්ගේ සංගමය සමග ස්වදේශ කටයුතු රාජ්‍ය අමාත්‍ය අශෝක ප්‍රියන්ත මහතාගේ ප්‍රධානත්වයෙන් 2024.03.07 වන දින ස්වදේශ කටයුතු රාජ්‍ය අමාත්‍යංශයේ ශ්‍රවණාගාරයේදී පැවැත්විණි.

ස්ථාන මාරු, රාජකාරී ලැයිස්තු, වැඩ බැලීම, පරිභාහිර රාජකාරි පැවරීම, කාර්යාල පවත්වාගෙන යෑම යන කරුණු සම්බන්ධව වර්තමානයේ මතුවී ඇති ගැටලු පිළිබඳව මෙහිදී සාකච්ඡා කෙරිණි.

මෙම ගැටලු පිළිබඳව සොයා බලා සාධනීය පිළිතුරු ලබා දීමට අවශ්‍ය කටයුතු සකසන ලෙස අමාත්‍යාංශයේ ජ්‍යෙෂ්ඨ නිලධාරීන්ට ස්වදේශ කටයුතු රාජ්‍ය අමාත්‍ය අශෝක ප්‍රියන්ත මහතා මෙහිදී උපදෙස් ලබා දෙන ලදී.

මෙම අවස්ථාව සඳහා ස්වදේශ කටයුතු රාජ්‍ය අමාත්‍යංශයේ අතිරේක ලේකම්වරුන් වන ආනන්ද වන්නිනායක, චන්දන රණවීර ආරච්චි, එච්. එම් නන්දසේන, වරුණ ශ්‍රී ධනපාල, ධම්මික මුතුගල යන මහත්වරුන් සහ අමාත්‍යාංශයේ මාණ්ඩලික නිලධාරීන්, සමස්ත ලංකා ආර්ථික සංවර්ධන නිලධාරීන්ගේ සංගමයේ ප්‍රධාන ලේකම් වසන්ත ලංකාතිලක, සභාපති අනුරාධ සෙනෙවිරත්න , ජාතික සංවිධායක දුමින්ද කණ්ඩම්බි , වෘත්තීය ගැටලු ලේකම් නුවන් ප්‍රනාන්දු , පුත්තලම් දිස්ත්‍රික් සංවර්ධන නිළධාරි සංගමයේ සභාපති එම්.එම්. සජිත්, භාණ්ඩාගාරික ලිනුෂා හේරත්, කාරක සභික මංගලා නානායක්කාර යන මහත්ම මහත්මීන් ඇතුළු රාජ්‍ය නිලධාරීන් එක්ව සිටියහ.