Institutions

ප්‍රාදේශීය ලේකම් කොට්ඨාස යනු ශ්‍රී ලංකාවේ පරිපාලන ඒකක වර්ගයකි. ශ්‍රී ලංකාවේ දිස්ත්‍රික්ක එහි උප පරිපාලන ඒකකය ලෙස ප්‍රාදේශීය ලේකම් කොට්ඨාස වලට බෙදා ඇත. ශ්‍රී ලංකාවේ අතීතයේ පැවති පරිපාලන ඒකක වූ කෝරළේ, රට යන අතීත පරිපාලන ඒකක වර්තමාන ප්‍රාදේශීය ලේකම් කොට්ඨාස වලට පදනම වී ඇත. තවද අතීතයේ දී පැවති D.R.O. කොට්ඨාසය, ප්‍රාදේශීය ආදායම් නිලධරයා වශයෙන් ද D.R.O., සහකාර දිස්ත්‍රික් ලේකම් ලෙස ද විකාසනය වී ඇත. වර්තමානයේදී මෙම එක් එක් ප්‍රාදේශීය ලේකම් කොට්ඨාශයන් ප්‍රාදේශීය ලේකම්වරයා මඟින් පාලනය වන බව දක්නට ලැබේ.

• ප්‍රාදේශීය ලේකම් කාර්යාල ඇමතුම් විස්තර [376 KB]
  තොරතුරු බාගත කරන්න

ශ්‍රී ලංකාවේ පරිපාලන දිස්ත්‍රික්ක 25 ක් ඇත. එම දිස්ත්‍රික්කවල පරිපාලන ඒකකවල පරිපාලන බලධරයා වන්නේ දිස්ත්‍රික් ලේකම් වන අතර සෑම පරිපාලන දිස්ත්‍රක්කයක්ම ප්‍රාදේශීය ලේකම් කොට්ඨාස වලටත් ඒවා නැවත ග්‍රාම නිලධාරී වසම් වශයෙන් ද බෙදා පරිපාලන කටයුතු විමධ්‍යගත කොට ඇත. ශ්‍රී ලංකාව, ජනරජයට අයත් දේශීය පරිපාලන දිස්ත්‍රික්ක විසි පහෙන් ද දේශීය ජලතීරයෙන්ද සමන්විත වන්නේය. පරිපාලන දිස්ත්‍රික්ක 25 හි නම් පළමුවන උපලේඛනයෙහි දැක්වෙන්නේය, එසේ වුව ද පාර්ලිමේන්තුව විසින් යෝජනා සම්මතයක් මඟින් තීරණය කරනු ලබන පරිදි, ඒ පරිපාලන දිස්ත්‍රික්ක ඒවාට වෙනස් වූ පරිපාලන දිස්ත්‍රික්ක සංයුක්ත වන පරිදි නැවත බෙදීම හෝ ඒකාබද්ධ කිරීම හෝ කරනු ලැබිය හැක්කේය.

දිස්ත්‍රික් ලේකම් කාර්යාල නිල වෙබ් බිහිදොරට පිවිසීමට

ශ්‍රී ලංකා ජනතාව‍ගේ මුලික අයිතීන් රැකගැනීම සඳහා ඔවුන්ගේ‍ උපත්‍, විවාහ මරණ ලේඛනගත කිරීම සඳහා, රෙජිස්ට්‍රාර් ජනරාල් දෙපාර්තමේන්තුව පිහිටුවා ඇත‍.

ඉඩම් ලියාපදිංචි කිරීමේ කාර්යය සඳහා 1864 දී මෙම දෙපාර්තමේන්තුව පිහිටුවන ලද අතර, 1867 දී උපත්, විවාහ හා මරණ ලියාපදිංචි කිරීමේ කටයුතුද එයට පවරන ලදී.

උපත්, විවාහ හා මරණ ලියාපදිංචි කිරීමේ කටයුතු ද ප්‍රාදේශීය ලේකම් කාර්යාල දක්වා විමධ්‍යගත කර ඇති අතර සියලුම ප්‍රාදේශීය ලේකම් කාර්යාල වල ඒ අනුව දිස්ත්‍රික් රෙජිස්ට්‍රාර් අංශය බැගින් පිහිටුවා ඇත.

ඉඩම් ලියාපදිංචි කිරීමේ කාර්යය දිස්ත්‍රික් මටිටමින් සිදු කරන අතර ඒ සඳහා දිවයිනේ ඉඩම් රෙජිස්ට්‍රාර් කාර්යාල 45 ක් පිහිටුවා ඇත‍.

රෙජිස්ට්‍රාර් ජනරාල් දෙපාර්තමේන්තුව ස්වදේශ කටයුතු අමාත්‍යාංශය යටතේ ක්‍රියාත්මක වේ.

නිල වෙබ් අඩවියට පිවිසෙන්න